საქართველო უსაფრთხოებით 118 ქვეყანას შორის მე-3 ადგილზეა

კრიმინალური ინდექსის 2016 წლის პირველი ნახევრის მონაცემების მიხედვით, 118 ქვეყნიდან, საქართველო მე-3 ადგილზეა.(აქვე შეგახსენებთ რომ, მსგავსი კვლევა გასულ წელსაც ჩატარდა სადაც საქართველო მეექვესე ადგილს იკავებდა) .

საქართველოს უსაფრთხოების მაჩვენებლის თვალსაზრისით მხოლოდ სინგაპური და სამხრეთ კორეა უსწრებს.

კრიმინალურმა ინდექსმა, აღნიშნული მონაცემების მიხედვით, 19,26% შეადგინა, ხოლო უსაფრთხოების მაჩვენებელმა – 80,74%.

ჩვენი მეზობელი ქვეყნებიდან, უკრაინა 43-ე ადგილზეა, თურქეთი 75-ეზე, რუსეთი 50-ეზე, აზერბაიჯანი 95-ეზე, ხოლო სომხეთი 99-ეზე.’

ამ კვლევის მიხედვით, გამოვლინდა 5 ყველაზე სახიფათო ქვეყანა – ვენესუელა, პაპუა ახალი გვინეა, ჰონდურასი, სამხრეთ სუდანი და სამხრეთ აფრიკაა.

აღნიშნული რეიტინგი, კვლევით მონაცემთა ბაზაზე (NUMBEO) დაყრდნობით მომზადდა.

 

დამანგრეველი მიწისძვრის შედეგები იტალიაში

24 აგვისტოს, იტალიაში დამანგრეველი მიწისძვრა მოხდა. ორი დღის შემდეგ, ისევ განმეორდა და ორმაგად დაანგრია, გაანადგურა ქვეყანა.

სტიქიის ეპიცენტრი, იტალიის ცენტრალურ რეგიონში, ქალაქ პერუჯას სამხრეთ აღმოსავლეთით დაფიქსირდა.

 

მიწისძვრის სიმძლავრემ 6.2 მაგნიტუდა შეადგინა. სტიქიის შედეგად სერიოზული ზიანი მიადგა ეპიცენტრთან მდებარე პატარა ქალაქებს. ამატრიჩეს მერის განცხადებით, ნახევარი ქალაქი აღარ არსებობს,

 

დაღუპულთა რიცხვი კი ძალზედ გაიზარდა, დღეის მონაცემებით, 290 ადამიანია დაღუპული.

ასევე გაზრდილია ცენტრალურ მთიან რაიონში ჩარჩნენილ დაღუპილთა  რიცხვი.

იტალიის პრემიერ-მინისტრმა და პრეზიდენტმა დაათვალიერეს მიწისძვრის შედეგად დაზიანებული ადგილები,მოინახულეს დაღუპულთა დაზარალებულთა ოჯახები და სამძიმარი გამოუცხადეს მათ.

ეპისკოპოსი ჯიოვანე დერკოლე დაზარელებულებს მოუწოდებს, რომ არ დაკარგონ გამბედაობა და სიმამაცე.

ქვეყანაში გლოვის დღეა გამოცხადებული და ყველა სახელმწიფო შენობაზე სახელმწიფო დროშები დაშვებულია.იტალიელი მაღალჩინოსნები აცხადებენ რომ ქვეყანას დაღუპულები არ დაავიწყდება.

თარგმნილი და მომზადებულია ლევან სამადაშვილის მიერ.

წყარო-BBC.com

 

თბილისში ახალი ტაქსების გამოჩენას საზოგადოება უარყოფითად შეხვდა

თბილისში რუსული  კომპანია  „Yandex Taxi“(იანდექს-ტაქსი)  გამოჩნდა.  როგორც „იანდექს ტაქსის” ”ფეისბუქის” ოფიციალური გვერდი იტყობინება მათ ასევე სპეციალური შეთავაზებები, აქციები აქვთ.

ამ ტაქსების თბილისში გამოჩენას, დიდი აჟიოტაჟი და მითქმა-მოთქმა მოჰყვა საზოგადოების მხრიდან პოსტების და კომენტარების სახით, სოციალურ ქსელში .პოსტები და კომენტარები ერთი შინაარსისაა და მოუწოდებს იმას, რომ არ ჩასხდნენ ადამიანები ამ “რუსული ფირმის  ტაქსებში”.

გთავაზობთ რამდენიმე მათგანს:

“არ გაამდიდრო პუტინი!
არ ჩადო ტრაკი იანდექსის ტაქსში!                                                                                                             ჯერ მის რუკებზე ნახეთ საქართველოს საზღვრები!”

“არც 1 თეთრი ოკუპანტს! ძირს Yandex-ი !!! სოლიდარობა !”

“yandex-ის რუკაზე აფხაზეთი და ოსეთი საქართველილოს ტერიტორიად არ მოიხსენიება!!! არ ჩაჯდეთ ამ ნაგვების ტაქსში!!!”

“#არარუსეთს არ ჩაჯდეთ ამ ტაქსში”

“ტაქსი გვაკლდა მტრების და ისიც გამოჩნდა ; ) !!! გაეთრიეთ!!!!”

“ჯიბეში გვიდებენ ნელ-ნელა”

“ის მაიმუნივირიშვილის სახელით დარჩება თბილისის ისტორიაში”

მოძრაობა „მწვანე მუშტის“ წევრი ირაკლი კუპრაძე, დავით ნარმანიას ქმედებას და ბოდიშს სოციალურ ქსელში შეეხმიანა:

„ნარმანიამ ბოდიში მოიხადა.ისიც, რა თქმა უნდა, მხოლოდ თავისი ამომრჩევლის წინაშე და არა იმ ადამიანთან ვისაც უზრდელურად მოექცა. ესეც მიუთითებს ქმედების გააზრების ხარისხზე. არათუ გააზრება, არამედ უბრალოდ პრაგმატული ნაბიჯია, არჩევნები მომდგარა კარს და განაყწენებული ამომრჩეველი მას თავის პოზიციებს დააკარგვინებს. გუშინდელი ინციდენტის შემდეგვე ვთქვი, რომ მე არ ვითხოვდი ნარმანიასგან ბოდიშის მოხდას, იმიტომ რომ არც მის პიროვნებას, არც მის სიტყვებს და არც მის თანამდებობრივ მდგომარეობას ლეგიტიმაციას არ მივანიჭებდი ამით. ის ცარიელი ადგილია, რომელიც. შესაბამისად ამ მხრივ საპატიებელიც არაფერი მაქვს. ის კი დარწმუნებით ვიცი, რომ ნარმანაიას # არასდროს ვაპატიებ, ჩემს ბრძოლაში გახარჯულ დროს, რომლის გამოყენებაც ბევრად უფრო პროდუქტიულად შემიძლია, ჩემთვის ძვირფას ადამიანებთან და საინტერესო საქმეებში, ვიდრე მსგავს არსებებთან კამათია. # არ ვაპატიებ, თბილისის მწვანე საფარის გაჩეხვას და ჩვენთვის სასიცოცხლო სივრცის შევიწროვებას. # არ ვაპატიებ, ძველ თბილისში განადგურებულ კულტურულ მემკვიდრეობას და იმ სახის წართმევას, რაც რეალურად ქმნის თბილისის ავთენტურობას და უნიკალურობას. # არ ვაპატიებ, ურბანულ კატასტროფას და უბრალოდ იმას, რომ უპასუხსიმგებლო და თვითდაჯერებული ხელმძღანელია, რომელსაც არ უნდა რეალური ცვლილებები და ყველა ტიპის კრიტიკოსში მტერს ხედავს. სკამიანად გამოვიტანთ“,-წერს კუპრაძე.

იხილეთ პოსტი:

„ნაციონალურმა მოძრაობამ“ საარჩევნო სიის ოცეული დაასახელა

 

რამდენიმე წუთის წინ ”ერთიანი ნაციონალური მოძრაობის” ოფისში პრესკონფერენცია გაიმართა, სადაც პარტიული საარჩევნო სიის ოცეული პარტიის ლიდერმა დავით ბაქრაძემ დაასახელა.

როგორც მან აღნიშნა, სიის პირველი ნომერი თავად იქნება. 2. სანდრა რულოვსი; 3. ელენე ხოშტარია; 4. რომან გოცირიძე; 5. ნიკა მელია; 6. გიორგი ტუღუში; 7. ოთო კახიძე; 8. სალომე სამადაშვილი; 9. ირაკლი აბესაძე; 10. სერგი კაპანაძე; 11. სერგო რატიანი; 12. გიორგი კანდელაკი; 13. ლელა ქებურია; 14. აკაკი ბობოხიძე; 15. გიგა ბოკერია; 16. თენგიზ გუნავა; 17. ირმა ნადირაშვილი; 18. მამუკა ჩიქოვანი; 19. თინათინ ბოკუჩავა; 20. გიორგი თევდორაძე.

სანდრა რულოვსმა-პარტიის სიის მეორე ნომერმა და ასევე ზუგდიდის მუნიციპალიტეტში მაჟორიტარი დეპუტატობის კანდიდატმა, ამ პრესკონფერენციაზე განცხადება გააკეთა:

„პარტიის პოლიტსაბჭოს გადაწყვეტილებით შევდივარ ამ ბროლაში, ამ პოლიტიკურ ცხოვრებაში როგორც სიის მეორე ნომერი და როგორც ზუგდიდის მაჟორიტარობის კანდიდატი. ეს არის ჩემთვის დიდი პატივი. მზად ვარ ამ ბრძოლისთვის. მე დარწმუნებული ვარ ჩვენს გამარჯვებაში და ასეთ გაძლიერებულ, განახლებულ გუნდს, როგორიც ჩვენ გვყავს, ნამდვილად სჭირდება და ეკუთვნის მთელი ხალხის მხარდაჭერა. მე ქართველი ხალხის ძლიერი გონებრივი შესაძლებლობების მჯერა და მჯერა, რომ სწორ არჩევანს გააკეთებენ, რათა საქართველო წინ წავიდეს. მე დღეს პირველად შემოვედი ამ პარტიის ოფისში და ვითხოვე გიდობა, იმიტომ რომ არ ვიცოდი, სად, რა, როგორ არის ორგანიზებული“, – განაცხადა სანდრა რულოვსმა.

იხილეთ ვიდეო:

სარემონტო-საექსპლუატაციო სამუშაოების ჩატარებასთან დაკავშირებით გაზმომარეგბა შეუწყდება რამდენიმე ქალაქს და სოფელს

კომპანია „სოკარ ჯორჯია გაზი” გაცნობებთ, რომ საქართველოს გაზის ტრანსპორტირების კომპანიის მიერ სარემონტო-საექსპლუატაციო სამუშაოების ჩატარებასთან, კერძოდ საგურამო-ქუთაისის მაგ.გაზსადენზე ახლად აშენებული მონაკვეთის შეჭრასთან დაკავშირებით (ტელეფონოგრამა №268 ), მიმდინარე წლის 25 აგვისტოს 05:00 საათიდან, ქ.გორს (ორთაშენის გგს-იდან), ვარიანს, რუისს, ქარელი-სასირეთს, ბრეთს, დვანი-ტახტისძირს, დირბი-ძლევიჯვარს, კეხიჯვარს, ავლევსა და ღოღეთი-თამარაშენს გაზმომარაგება შეუწყდება.

ბუნებრივი გაზის მიწოდება სამუშაოების დასრულებისთანავე ეტაპობრივად აღუდგებათ 27 აგვისტოს დღის ბოლომდე.
კომპანია „სოკარ ჯორჯია გაზი” აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.

ევროკავშირი საქართველოს უვიზო რეჟიმს 1-ლი იანვრიდან დაუწესებს

“ევროკავშირი საქართველოს უვიზო რეჟიმს 1-ლი იანვრიდან დაუწესებს” – ამის შესახებ  გამოაქვეყნა განცხადება “ტვიტერზე”, ჟურნალისტმა და რადიო „თავისუფლების“ ბრიუსელის ბიუროს კორესპონდენტმა, რიკარდ იოზვაკმა .

იხილეთ განცხადება ვრცლად:

“ევროკავშირის დიპლომატები საქართველოსა და უკრაინისთვის ვიზალიბერალიზაციის საკითხზე ევროპარლამენტისა და ევროკავშირის საბჭოს საბოლოო გადაწყვეტილებას ოქტომბერში ელოდებიან, უვიზო რეჟიმს კი – 2017 წლის 1 იანვრიდან”.-განაცხადა იოზვაკმა .

 

EU diplomats still expect a final decision in EP/Council on visa lib for #Georgia & #Ukraine in Oct with visa free travel on 1 Jan 2017

— Rikard Jozwiak (@RikardJozwiak) August 23, 2016

წვევამდელთა საშემოდგომო გაწვევა დაიწყო

სახელმწიფო დაცვის სპეციალურ სამსახურში, 2016 წლის 16 აგვისტოდან, საკონტრაქტო სამსახურში ჩასარიცხ წვევამდელთა განაცხადების მიღება და კანდიდატთა შერჩევა დაიწყო.

განაცხადის წარდგენა შეუძლია სამხედრო აღრიცხვაზე მყოფ 18-დან 27 წლამდე ასაკის წვევამდელს, რომლის მინიმალური სიმაღლე შეადგენს 175 სმ-ს.

დაინტერესებულმა პირებმა უნდა წარმოადგინონ:

• > მიწერის მოწმობა (რაიონული სამხედრო განყოფილებიდან)
• > საქართველოს მოქალაქეობის დამადასტურებელი მოწმობის ასლი
• > სხვა საბუთები განაცხადის წარდგენის შემდეგ

საბუთების მიღება წარმოებს როგორც ელ.ფოსტით – contact@ssps.gov.ge , ასევე მისამართზე: ქ. თბილისი, 9 აპრილის N2. დამატებითი ინფორმაციისთვის, დაგვიკავშირდით ნომერზე: (+995 32) 2 28 44 22 / 2 92 16 31 + შიდა (44 22).

2016 წლის საშემოდგომო გაწვევით სახელმწიფო დაცვის სპეციალური სამსახურის საკონტრაქტო სამსახურში ჩასარიცხ წვევამდელთა საორიენტაციო რიცხოვნობა განისაზღვრა 270 ერთეულით.

საქართველოში გზის მოწყობის ინოვაციური მეთოდი დაინერგება

საქართველოში გზის ახალი მეთოდით მოწყობის ექსპერიმენტული სამუშაოები დაიწყო. გზის საფუძვლის ინოვაციური  მეთოდით მოწყობის სამუშაოები პირველად ფონიჭალა-მარნეული-გუგუთის საავტომობილო გზის 300 მეტრიან მონაკვეთზე (სომხეთის რესპუბლიკის საზღვარი) მიმდინარეობს. ექსპრიმენტული მეთოდით გზის რეაბილიტაცია საქართველოს რეგიონული განვითარებისა და ინფრასტრუქტურის მინისტრმა ნოდარ ჯავახიშვილმა და საავტომობილო გზების დეპარტამენტის თავმჯდომარემ გიორგი სეთურიძემ დაათვალიერეს.

ახალი მეთოდით გზის საფუძვლის მოწყობა ერთ კვადრატულ მეტრზე 5-6 დოლარი ჯდება, რაც თითქმის ორჯერ იაფია კლასიკურ მეთოდთან შედარებით. აღნიშნულ მეთოდს აქტიურად იყენებენ ევროპაში. მეთოდი უკვე აპრობირებულია აზერბაიჯანშიც.  გარდა იმისა, რომ ინოვაციური მეთოდი გზის სწრაფად და იაფად რეაბილიტაციის საშუალებას იძლევა, ამ ფორმით მოწყობილი გზის საფუძველი უფრო მდგრადი და მყარია.

გზის ექსპერიმენტული მეთოდით მოწყობის სამუშაოებს აზერბაიჯანული კომპანია „აგეტე“, უსასყიდლოდ ახორციელებს. სამუშაოების დასრულების შემდეგ ჩატარდება სპეციალური ექსპერტიზა და სტანდარტების დაკმაყოფილების შემთხვევაში მისი დანერგვა  აქტიურად დაიწყება.

 

შსს-მ კახეთში ჩასარიცხი აპარატების გაქურდვის ფაქტები გახსნა

შსს-ს კახეთის პოლიციის დეპარტამენტის, თელავის რაიონული სამმართველოს და საპატრულო პოლიციის დეპარტამენტის კახეთის მთავარი სამმართველოს თანამშრომლებმა, ერთობლივად ჩატარებული ოპერატიულ-სამძებრო და საგამოძიებო ღონისძიებების შედეგად, 1980 წელს დაბადებული, წარსულში რამდენჯერმე ნასამართლევი კ. ხ., 1993 წელს დაბადებული ო. ს. და 1993 წელს დაბადებული ა. მ. ქურდობის ბრალდებით დააკავეს.

გამოძიებამ დაადგინა, რომ ბრალდებულებმა მიმდინარე წლის აგვისტოში, წინასწარი შეთანხმებით, თელავისა და გურჯაანის რაიონებში სწრაფი ჩარიცხვის რამდენიმე აპარატი დააზიანეს და გაქურდეს.

https://www.facebook.com/miaofgeo/videos/861499757285358/

სამართალდამცველებმა, ჩატარებული ოპერატიულ-სამძებრო და საგამოძიებო ღონისძიებების შედეგად, სამივე ბრალდებული ვაზიანი-თელავი-გომბორის საავტომობილო გზაზე დააკავეს. ავტომანქანის ჩხრეკისას მოპარული 1 154 ლარი და დანაშაულის ჩადენის იარაღები – ნივთმტკიცებად ამოიღეს.

გამოძიება წინასწარი შეთანხმებით ჯგუფის მიერ ჩადენილი ქურდობის ფაქტზე მიმდინარეობს (საქართველოს სსკ-ის 177-ე მუხლის მე-3 ნაწილის „ა“ ქვეპუნქტით).

ბიძინა ივანიშვილი სექტემბრიდან ტელეეთერს უბრუნდება

ყოფილი პრემიერ-მინისტრი GDS-ის პროექტში ახალ სატელევიზიო სეზონზე, პირველი სექტემბრიდან გამოჩნდება, გადაცემის თანაწამყვანები კი ჟურნალისტები მიშა ფეიქრიშვილი და ნათია თოიძე იქნებიან. გადაცემა სხვადასხვა რეგიონიდან GDS-ის ეთერში კვირაში 2-ჯერ, არჩევნებამდე გავა.ბიძინა ივანიშვილს, გადაცემაში სტუმრის როლი ექნება.

პირველი  ბათუმიდან ხოლო დასკვნითი გადაცემა თბილისიდან იქნება. გადაცემის ხანგრძლივობა საათ-ნახევარია.

ვლადიმერ ხინჩეგაშვილი ოლიმპიური ჩემპიონია

ვლადიმერ ხინჩეგაშვილი ოლიმპიური ჩემპიონია. რიოს ოლიმპიურ თამაშებზე 57 კგ წონით კატეგორიაში თავისუფალი სტილით მოჭიდავე ვლადიმერ ხინჩეგაშვილმა ფინალში იაპონელი ჰიგუჩი რეი დაამარცხა და ოქროს მედლის მფლობელი გახდა.

ფინალამდე ქართველმა მოჭიდავემ ყაზახ, აზერბაიჯანელ და ბულგარელ სპორტსმენებს შეხვდა.

მეოთხედფინალში ქართველი სპორტსმენი აზერბაიჯანელ ჰაჯი ალიევს ეჭიდავა და მეტოქე 4:3 დაამარცხა.

მომდევნო ეტაპზე ხინჩეგაშვილი ბულგარელ ვლადიმერ დუბოვს შეხვდა, მეტოქე ანგარიშით 8:4 დაამარცხა.

რამდენიმე წუთის წინ საბედნიეროდ, ვლადიმერმა რიოს ოლიმპიურ თამაშებზე საქართველოს, მეორე ოქროს მედალი მოუპოვა.

მისი დამსახურებით რიოშ საქართველოს ჯიმნი მეორედ აჟღერდა.

ქართულ დელეგაციას 2 ოქროს, 1 ვერცხლის და 3 ბრინჯაოს მედალი აქვს.

საქართველო მედლების რაოდენობით ამ დროისთვის ოლიმპიადაზე 30-ე ადგილს იკავებს.

რა სიახლეები იგეგმება ნადირობის სეზონის დაწყებასთან დაკავშირებით?

გარემოსა და ბუნებრივი რესურსების დაცვის მინისტრმა გიგლა აგულაშვილმა ნადირობის სეზონის დაწყებასთან დაკავირებით, ბრიფინგი გამართა და საზოგადოებას გადამფრენ ფრინველებზე ნადირობის მარეგულირებელ კანონმდებლობაში ცვლილებებზე ინფორმაცია გააცნო. ცვლილების მიხედვით, 2016-2017 წლების სანადირო სეზონისთვის ახალქალაქის, ნინოწმინდის, წალკის და დმანისის მუნიციპალიტეტების ტერიტორიებზე ნადირობის ვადა გაგრძელდება 31 დეკემბრამდე, ნაცვლად 10 ნოემბრისა.

ნადირობის ობიექტებს მიკუთვნებული ცხოველთა სამყაროს ობიექტების ჩამონათვალს და ნადირობისათვის დაშვებულ გადამფრენ ფრინველთა სახეობების ჩამონათვალს დაემატა ღალღა (Crex crex). ამ სახეობაზე ნადირობის ვადა განისაზღვრა აგვისტოს მესამე შაბათიდან 15 თებერვლამდე პერიოდით, ხოლო მოპოვების დღიური ლიმიტი – 5 ცალით; ნადირობისათვის დაშვებულ გადამფრენ ფრინველთა სახეობების ჩამონათვალს დაემატა ჩიბუხელა/გარშნეპი (Lymnocryptes minimus). ამ სახეობაზე ნადირობის ვადა განისაზღვრა აგვისტოს მესამე შაბათიდან 15 თებერვლამდე პერიოდით, ხოლო მოპოვების დღიური ლიმიტი – 5 ცალით; ტყის ქათმის მოპოვების დღიური ლიმიტი განისაზღვრა 5 ცალით, ნაცვლად სამისა.

მინისტრმა დაინტერესებულ მხარეებს ნადირობის წესებიც შეახსენა: ნადირობა აკრძალულია სახელმწიფო ნაკრძალებში და ეროვნულ პარკებში და მათ გარშემო 500-მეტრიან ზონაში, ასევე საქართველოს ქალაქების ადმინისტრაციულ საზღვრებში.

ასევე, აკრძალულია მცენარეული საფარის დაწვა; გარეულ ფრინველთა კვერცხის შეგროვება და გაყიდვა; ცხოველთა ბუდეების, ბუნაგების, საცხოვრებელი ადგილების მოშლა ან განადგურება; ცხოველთა მასობრივი მოპოვების საშუალებებით – ყოველგვარი კუსტარული ან ქარხნული წესით დამზადებული ბადეებით, ხაფანგებით, მარყუჟებით, აგრეთვე ორმოებით, სარეგვავებით (სარეჯგველებით), ხმოვანი სიგნალების გამომცემი ელექტრონული (მათ შორის, ავტონომიურ კვების წყაროზე მომუშავე) მოწყობილობების მეშვეობით ფრინველის მოზიდვა, საწამლავით, სანადირო იარაღზე დამონტაჟებული რეფლექტორებით, ასაფეთქებელი საშუალებების გამოყენებით, თოფებისა და სხვა თვითმსროლელი იარაღების დაგუშაგება; აკრძალულია ნადირობა და ცხოველთა მოპოვება თვითმფრინავიდან, ვერტმფრენიდან, ავტომობილიდან, მოტოციკლეტიდან, კატარღებიდან, ძრავიანი ნავებიდან და სხვა მოტორიანი სატრანსპორტო საშუალებებიდან, მათ შორის, ღამით განათებული ფარებისა და პროჟექტორების მეშვეობით, ცხოველთა დევნა სატრანსპორტო საშუალებებით, წყალმცურავ ფრინველებზე ნადირობა ძრავაგამოურთველი მოტორიანი ნავებიდან და კატერებიდან (მოპოვება დევნით), ასევე ნადირობა ღამის ცეცხლის დანთებით; ასევე, აკრძალულია სტიქიური უბედურებების (წყალდიდობა, ხანძარი, დიდი თოვლი და სხვა) დროს დაუძლურებული ცხოველების მოპოვება, აგრეთვე მათზე ნადირობა წყალში გადასვლისას ან სხვა დაბრკოლებების გადალახვისას, მათ შორის, სტიქიური უბედურებისაგან თავის დაღწევის დროს.

პირის საკუთრებაში არსებულ მიწის ნაკვეთზე გადამფრენ ფრინველებზე ნადირობა დასაშვებია მხოლოდ მესაკუთრესა და ნადირობის განმახორციელებელ პირს (ამ შემთხვევაში პირი, რომელსაც გააჩნია „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონით გათვალისწინებული გარემოდან გადამფრენი ფრინველების ამოღებაზე დაწესებული მოსაკრებლის გადახდის დამადასტურებელი ქვითარი (დედანი) და საქართველოს შინაგან საქმეთა სამინისტროს შესაბამისი ორგანოს მიერ გაცემული შესაბამისი სანადირო თოფის შენახვისა და ტარების უფლების დამადასტურებელი დოკუმენტი) შორის შეთანხმების შემთხვევაში, მესაკუთრის აუცილებელი თანხმობის პირობით.

გადამფრენ ფრინველებზე ნადირობის მსურველებმა ნადირობისას თან უნდა იქონიონ გარემოდან გადამფრენი ფრინველების ამოღებაზე დაწესებული მოსაკრებლის (10 ლარი) გადახდის დამადასტურებელი ქვითარი (დედანი) და საქართველოს შინაგან საქმეთა სამინისტროს შესაბამისი ორგანოს მიერ გაცემული შესაბამისი სანადირო თოფის შენახვისა და ტარების უფლების დამადასტურებელი დოკუმენტი.

მოსაკრებლის გადახდა შესაძლებელია ნებისმიერ ბანკში, მიმღების ბანკი: სახელმწიფო ხაზინა, ბანკის კოდი: 220 101 222, ანგარიშის ნომერი: №200122900, ბიუჯეტის შემოსულობების სახის განმსაზღვრელი სახაზინო კოდი: 3033.

სასწრაფოდ! გია მაისაშვილი განცხადებას ავრცელებს

პოლიტიკური და საზოგადო მოღვაწე გია მაისაშვილი „ფეისბუქი“ მიმართვას ავრცელებს:

 

სასწრაფოდ!ლარი გამყარდა

საქართველოს ეროვნულმა ბანკმა 20 აგვისტოსთვის ლარის ოფიციალური გაცვლითი კურსი დაადგინა, რომლის მიხედვითაც ეროვნული ვალუტა დოლართან მიმართებით0.0116 პუნქტით მყარდება და შესაბამისად, დოლარი 2.2814 ლარი ეღირება.

ლარის კურსი ევროსთან მიმართებითაც მყარდება 0.0125 პუნქტით და ევრო ხვალ 2.5839 ლარი ეღირება.

აშშ-მ ადამიანის და ცხოველის შეჯვარების უფლება გასცა?

აშშ-ს ფედერალურმა მთავრობამ, უკვე ერთი კვირაა რაც დაანონსა ამ ხმაურიანი ექსპერიმენტის
(განხორციელების თანხმობის) დაფინანსების შესახებ. აღნიშნული ექსპერიმენტი გულისხმობს, ადამიანის  ღეროვანი უჯერედიბის გამოყენებას და ცხოველების ემბრიონის ტრანსფორმაციას.

ამ ცდის მეშვეობით, მეცნიერებმა შეიძლება უნებლიედ შექმნან ცხოველები, რომელთაც ექნებათ ნაწილობრივ ადამიანის ტვინი,აზროვნება, ქცევები.

მეცნიერები ვარაუდობენ რომ, ამ ორგანიზმებს ექნებათ- ძლიერი ორგანიზმი და იმუნიტეტი ვირუსების დასაძლევად, ასევე შემდგომში აპირებენ რომ შექმნან ცხოველები, ადამიანის ორგანოებით და შემდეგ ეს ორგნაოები გამოიყენონ ტრანსპლანტაციისათვის.

თარგმნილი და მომზადებულია, ლევან სამადაშვილის მიერ.

მომავალი ოთხი წლის განმავლობაში, საქართველოში, C ჰეპატიტი, ფაქტობრივად აღმოიფხვრება

მომავალი ოთხი წლის განმავლობაში, საქართველოში, C ჰეპატიტი, ფაქტობრივად აღმოიფხვრება, – C ჰეპატიტის ელიმინაციის 2016-2020 წლების ეროვნულ სტრატეგიას მთავრობა დღევანდელ სხდომაზე დაამტკიცებს.
საქართველოს პრემიერ-მინისტრის შეფასებით, საამაყოა, რომ გასული პერიოდის განმავლობაში, ათასობით ადამიანის სიცოცხლის გადარჩენა და ათასობით ოჯახის სიღატაკისგან ხსნა მოხერხდა.
როგორც გიორგი კვირიკაშვილმა აღნიშნა, მთავრობის მიზანია, 4 წლის თავზე, C ჰეპატიტით ინფიცირებულთა 90% – გამოკვლეული, ხოლო დაავადებულთა 95% განკურნებული იყოს.
ხუთწლიანი სტრატეგიული გეგმის მთლიანი ბიუჯეტი 116 მილიონ ლარს აჭარბებს, აქედან სახელმწიფო ბიუჯეტიდან – 57 მილიონი ლარი დაიხარჯება; პროგრამის ფარგლებში სახელმწიფო უსასყიდლოდ მიიღებს 15 მილიარდი აშშ დოლარის ღირებულების მედიკამენტებს.
მთავრობის მეთაურმა სტრატეგიის განხორციელებაში ჩართულ პარტნიორებს, მათ შორის – კომპანია „გილიარდს“ და ამერიკის შეერთებული შტატების დაავადებათა კონტროლის ცენტრს, ასევე, სამთავრობო გუნდს, დავით სერგეენკოს ხელმძღვანელობით, მადლობა გადაუხადა და აღნიშნა, რომ ამ პროგრამის განხორციელება ძალიან მნიშვნელოვანია.

გონიოში ორი სამხედრო მოსამსახურის სამძებრო-სამაშველო ღონისძიებები მიმდინარეობს

გონიოს ყოფილი სასროლეთის საზღვაო ზოლში, შავი ზღვის სანაპიროზე საქართველოს შეიარაღებული ძალების სპეციალური დანიშნულების ძალების ორი სამხედრო მოსამსახურის სამძებრო-სამაშველო ღონისძიებები ამ დრომდე მიმდინარეობს, რომელსაც სამხედრო პოლიციის დეპარტამენტის ოპერატიული უზრუნველყოფისა და მონიტორინგის და გამოძიების მთავარი სამმართველოები, ასევე სპეციალური დანიშნულების ადგილობრივი დანაყოფი, საქართველოს შსს-ს შესაბამის დანაყოფებთან ერთად, ახორციელებენ.
საქმის გარემოებების დადგენის მიზნით შემთხვევის ადგილზე იმყოფებიან სამხედრო პოლიციისა და გენერალური ინსპექციის ხელმძღვანელობა.

სამძებრო ღონისძიებები პირად კონტროლზე ჰყავს აყვანილი თავდაცვის მინისტრს. საქართველოს მთავრობის თხოვნის საფუძველზე, აშშ-ს მთავრობამ დაავალა აშშ-ს ევროპულ სარდლობას, რომ სპეციალური დანიშნულების ძალებმა მიიღონ ორი ქართველი სამხედრო მოსამსახურის გადარჩენის ოპერაციაში მონაწილეობა.

მომხდართან დაკავშირებით სამხედრო პოლიციის დეპარტამენტში, საქართველოს მთავარ პროკურატურასთან შეთანხმებით, დაწყებულია გამოძიება საქართველოს სისხლის სამართლის კოდექსის 116-ე მუხლის II ნაწილით.

სპეციალური ოპერაციების ძალების ორი სამხედრო მოსამსახურე – კაპრალი იაგო შარაძე და I კლასის რიგითი გიორგი ნანეტაშვილი, რომლებიც მებრძოლ-მყვინთავთა კურსს გადიოდნენ, შავ ზღვაზე გეგმიურ საზღვაო სპეცდანიშნულების სწავლებაში მონაწილეობდნენ. საწვრთნელი ვარჯიშის დროს, ზღვაში სიღმითი ჩაყვინთვის შემდეგ, გიორგი ნანიტაშვილმა და იაგო შარაძემ ვერ შეძლეს ზღვის ზედაპირზე ამოსვლა და ამ დრომდე მათი ადგილსამყოფელი დაუდგენელია.

ცესკოს თავმჯდომარემ „ცენტრისტებს“ საარჩევნო რეგისტრაცია გაუუქმა

ცენტრალური საარჩევნო კომისიის თავმჯდომარე თამარ ჟვანიამ პ/გ „ცენტრისტებს“ საარჩევნო რეგისტრაცია გაუუქმა. ცესკოს თავმჯდომარემ აღნიშნული გადაწყვეტილება, იმ ახალი გარემოების გათვალისწინებით მიიღო, რომლის შესახებაც საჯარო რეესტრის ეროვნულმა სააგენტომ ოფიციალური განცხადება  15 აგვისტოს გაავრცელა. „ცენტრისტების“ საარჩევნო რეგისტრაციის ბათილად ცნობის შესახებ განკარგულებას, თამარ ჟვანიამ დღეს, 11:00 სთ-ზე მოაწერა ხელი.

აღნიშნულ საკითხთან დაკავშირებით ვრცლად იხილეთ ცესკოს თავმჯდომარის საინფორმაციო ბრიფინგი:

სიახლე სახელმწიფო პენსიისა და სოციალური პაკეტის მიმღებ პირებისთვის

1 სექტემბრიდან სახელმწიფო პენსიისა და სოციალური პაკეტის მიმღებ პირებს დანამატის მისაღებად აღარ დასჭირდებათ სოციალური მომსახურების სააგენტოში განცხადებით მიმართვა. სერვისების განვითარების სააგენტოს ერთიან ბაზაში დარეგისტრირებულ პირებს დანამატები ავტომატურად დაენიშნებათ.
დანამატი გავრცელდება შემდეგი დაწესებულებების სამედიცინო პერსონალზე:
✔️მაღალმთიანი რეგიონების განვითარების შესახებ“ საქართველოს კანონით განსაზღვრულ მაღალმთიან დასახლებაში მდებარე, სახელმწიფოს წილობრივი მონაწილეობით დაფუძნებულ და მის მართვაში არსებულ სამედიცინო დაწესებულებაში დასაქმებულ სამედიცინო პერსონალზე (ექიმი, ექთანი), რომლის შრომა საქართველოს სახელმწიფო ბიუჯეტიდან ანაზღაურდება;
მაღალმთიან დასახლებაში მდებარე შემდეგ სამედიცინო მომსახურების მიმწოდებლებზე:
✔️მაღალმთიან დასახლებებში „სოფლის ექიმის“ სახელმწიფო პროგრამის – „პირველადი ჯანდაცვის მომსახურება სოფლად“ კომპონენტის ფარგლებში, შესაბამისი მიმწოდებლები (სოფლის ექიმი, სოფლის ექთანი);
✔️სამინისტროს სახელმწიფო კონტროლს დაქვემდებარებულ სსიპ – სასწრაფო სამედიცინო დახმარების ცენტრში მაღალმთიან დასახლებაში მომუშავე სამედიცინო პერსონალზე (ექიმი, ექთანი);
✔️მაღალმთიან დასახლებაში მდებარე, სახელმწიფოს 100%-იანი წილობრივი მონაწილეობით დაფუძნებულ და მის მფლობელობაში არსებულ შემდეგ სამედიცინო დაწესებულებებში მომუშავე სამედიცინო პერსონალზე (ექიმი, ექთანი):
✔️შპს „რეგიონული ჯანდაცვის ცენტრი“
✔️შპს „ბედიანის ფსიქიატრიული საავადმყოფო“
✔️შპს „მანგლისის საავადმყოფო-პოლიკლინიკა“
✔️შპს „აბასთუმნის ტუბსაწინააღმდეგო საავადმყოფო“

მთავრობის სხდომაზე კიდევ ოთხი ახალი საწარმოს პროექტი დამტკიცდა

16 აგვისტოს მთავრობის სხდომაზე, ეკონომიკისა და მდგრადი განვითარების სამინისტროს ინიცირებით, ოთხი ახალი საწარმოს პროექტი დამტკიცდა, მათ შორის ორი – „აწარმოე  საქართველოში“ სახელმწიფო პროგრამის ფარგლებში. ჯამში, ოთხივე საწარმოში 400-მდე ადამიანი დასაქმდება.

მთავრობის სხდომის დასრულების შემდეგ ახალი საწარმოების შესახებ დეტალური ინფორმაცია ჟურნალისტებს პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა გააცნო.

ვიცე-პრემიერის განცხადებით, 190 ადამიანი დასაქმდება საკვები პროდუქტების საწარმოში, რომელიც „აწარმოე საქართველოში“ სახელმწიფო პროგრამის ფარგლებში თბილისში ამოქმედდება. საწარმოს შესაქმნელად შპს „ხორცპროდუქტების ქარხანა – ვაკეს“ სიმბოლურ ფასად, ერთ ლარად გადაეცემა გმირი კურსანტების ქუჩაზე მდებარე მიწის ნაკვეთი და მასზე განთავსებული შენობა-ნაგებობები.

კომპანია საწარმოს შექმნისა და წარმოების დაწყების საპრივატიზებო პირობის შესრულების მიზნით, 3 755 202 ლარის ინვესტიციის განხორციელებას და ყოველწლიურად, მინიმუმ 1 450 ტონა ძეხვისა და ანალოგიური პროდუქტების, ასევე 10 ტონა მზა და დაკონსერვებული ხორცის გამოშვებას გეგმავს.

“მოგეხსენებათ, ეს არის კომპანია, რომელიც ცნობილია, როგორც „ვაკის სოსისების საწარმო.“ მისი ქონება დაიტბორა 13 ივლისის სტიქიის დროს და შესაბამისად, სწორედ ახლა ხდება რელოკაცია, მათთვის ახალი ქონების გადაცემა და პრაქტიკულად, ნულიდან მოხდება  წარმოების აღდგენა“- აღნიშნა დიმიტრი ქუმსიშვილმა.

ასევე საკვები პროდუქტების საწარმო შეიქმნება „აწარმოე საქართველოში“ სახელმწიფო პროგრამის ფარგლებში შპს „ენ-ეიჩ-ელ 43“-სთვის ერთ ლარად გადასაცემ სახელმწიფო ქონებაზე, რომელიც ქობულეთის მუნიციპალიტეტში, დაბა ოჩხამურში მდებარეობს.

კომპანია საწარმოს შესაქმნელად 320 000  ლარის ინვესტიციას განახორციელებს და ქონების გადაცემიდან ორი წლის ვადაში მაკარონის ნაწარმის, პურის, ცომეულის, საკონდიტრო ნაწარმისა და ანალოგიური პროდუქტების გამოშვებას გეგმავს აღსანიშნავია, რომ  საწყის ეტაპზე დასაქმდება 30 ადამიანი, ხოლო სრულად ამოქმედებიდან საწარმოში დაახლოებით 160 ადამიანი იმუშავებს.

პროდუქცია გათვლილია როგორც ადგილობრივი ბაზრისთვის, ისე საექსპორტოდ.

გარდა „აწარმოე საქართველოში“ პროგრამის ფარგლებში წარმოდგენილი საწარმოების პროექტებისა, დიმიტრი ქუმსიშვილის ინფორმაციით, ორი ახალი საწარმო შეიქმნება ასევე თბილისსა და ოზურგეთის რაიონში.

„კახეთის გზატკეცილზე ორი წლის ვადაში ამოქმედდება ყავის გადამამუშავებელი საწარმო, რისთვისაც კომპანია „კაფსულო“11 277 000 ლარის ინვესტიციას განახორციელებს. ახალი საწარმოს აშენების პირობით „კაფსულოს“ სახელმწიფოსგან მიწის ნაკვეთი პირდაპირი მიყიდვის ფორმით – 412 000 ლარად გადაეცემა. ახალ საწარმოში დაახლოებით 30 ოცდაათი ადამიანი დასაქმდება“ – განაცხადა პირველმა ვიცე-პრემიერმა.

მისივე ინფორმაციით, ასევე ჩაის გადამამუშავებელი საწარმო შეიქმნება ოზურგეთის მუნიციპალიტეტში, სოფელ გურიანთაში. ამისთვის კომპანია „რკ ვაშნარის“  სახელმწიფოსგან 25 წლიანი იჯარით გადაეცემა 57 000 კვ.მ. მიწის ნაკვეთი. ჩაის საწარმოში სურსათის ხარისხისა და  უვნებლობის მართვის საერთაშორისო სისტემა დაინერგება (HACCP).

“მოგეხსენებათ, ჩვენ გვაქვს ჩაის კულტურის აღდგენის პროგრამა, რომლის მიხედვითაც შეღავათიანი საფასურით გადავცემთ მიწას კომპანიებს, რომლებსაც სურთ  ჩაის პლანტაციების აღდგენა-გაშენება. შესაბამისად, ამ პროექტშიც სწორედ პროგრამის მიხედვით  მოხდება ჩაის კულტურის განაშენიანება“ – განაცხადა დიმიტრი ქუმსიშვილმა.

 

ამბროლაურში აეროპორტის ახალი ტერმინალისა და ასაფრენ-დასაფრენი ზოლის მშენებლობა იგეგმება

“ამბროლაურის აეროპორტის ტერმინალისა და ასაფრენ-დასაფრენი ზოლის მშენებლობისთვის ტენდერი გამოცხადდება“ – ამის შესახებ ჟურნალისტებს 16 აგვისტოს მთავრობის სხდომის დასრულების შემდეგ დიმიტრი ქუმსიშვილმა განუცხადა. პირველი ვიცე-პრემიერის თქმით, ასევე იგეგმება ინფრასტრუქტურის გაფართოება ქუთაისის საერთაშორისო აეროპორტში.

„მთავრობის სხდომაზე დღეს  ჩვენ გამოვიტანეთ პროექტი ნებართვის მოწონების შესახებ, რომლის მიხედვითაც გამოვაცხადებთ გამარტივებულ ელექტრონულ ტენდერს და მინდა ყველა სამშენებლო და საპროექტო ორგანიზაციას მოვუწოდო აღნიშნულ ტენდერში მონაწილეობის მიღებისთვის. ორი მიმართულება იქნება გამოტანილი: ერთი გახლავთ ამბროლაური, სადაც 1100 მეტრიანი ასაფრენ-დასაფრენი ზოლი და ტერმინალი იქნება ასაშენებელი. ხოლო მეორე მიმართულება არის ინფრასტრუქტურის გაფართოება ქუთაისის საერთაშორისო აეროპორტში“ – განუცხადა მედიის წარმომადგენლებს დიმიტრი ქუმსიშვილმა.

პირველი ვიცე-პრემიერის თქმით,  ქუთაისიდან სექტემბრის თვეში უნგრული კომპანია Wizz Air  7 ახალი მიმართულებით დაიწყებს ფრენას. „არსებულ რეისებს დაემატება დორტმუნდი, სალონიკი, მილანი, სოფია, მემინგენი, ბერლინი და ლარნაკა. შესაბამისად, დღეს თუ ჩვენ გვაქვს 8 სიხშირე ევროპის მიმართულებით, სექტემბრიდან ჩგვექნება 23 სიხშირე, რაც, რა თქმა უნდა, დადებითად აისახება როგორც ტურისტულ ნაკადზე, ასევე იმ შესაძლებლობებზე, რომ ჩვენმა მოქალაქეებმა უპრობლემოდ იფრინონ ევროპაში“ – აღნიშნა დიმიტრი ქუმსიშვილმა.

„სტარტაპ საქართველოს“ ფინალისტებისთვის ტრენინგები დაიწყო

შსს-მ თურქეთის მოქალაქე განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, ბათუმში დააკავეს.

შსს-ს აჭარის პოლიციის დეპარტამენტის დეტექტივების სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო მოქმედებების შედეგად, 1970 წელს დაბადებული, თურქეთის რესპუბლიკის მოქალაქე ა. ე., განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, ბათუმში დააკავეს.

სამართალდამცველებმა, დაკავებულის პირადი და ნაქირავები ბინის ჩხრეკისას, 48 აბი „სუბოქსინი“ ამოიღეს, რომელიც, ექსპერტიზის დასკვნით, ბუპრენორფინს შეიცავს.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სსკ-ს 260-ე მუხლის მე-6 ნაწილის „ა“ ქვეპუნქტით).

გადაცემა-“გამოძება”-სანდრო გირგვლიანი

საქართველოს პრემიერ-მინისტრის განცხადება

მინდა გამოვეხმაურო საზოგადოების შეშფოთებას საზოგადოებრივ მაუწყებელზე გასული უფასო საარჩევნო რეკლამის გამო, რომელიც ანტისახელმწიფოებრივ მოწოდებებს შეიცავს, და აღვნიშნო:

1. დღეს, როდესაც საქართველო ისტორიული არჩევნების წინაშეა, რომელიც განმსაზღვრელია ჩვენი დემოკრატიული სახელმწიფოებრიობის და, შესაბამისად, დამოუკიდებლობის განმტკიცების გზაზე, რომელსაც დამოუკიდებლობის აღდგენის შემდეგ საქართველოს მრავალი მოქალაქე შეეწირა, უმნიშვნელოვანესია, რომ ყველა უწყებამ, ორგანიზაციამ თუ ფიზიკურმა პირმა იგრძნოს ეს პასუხისმგებლობა.

2. საქართველოს მთავრობამ ყველაფერი გააკეთა ბოლო წლების განმავლობაში, რათა მედია ყოფილიყო დამოუკიდებელი, თუმცა დამოუკიდებლობა არ ნიშნავს უპასუხისმგებლობას. მედიას ყველაზე დიდი პასუხისმგებლობა ეკისრება, რათა არ მოახდინოს ანტისახელმწიფოებრივი ინფორმაციის ტირაჟირება. ჩვენ მივესალმებით საზოგადოებრივი მაუწყებლის გადაწყვეტილებას, შეაჩეროს ისეთი საარჩევნო აგიტაცია, რომელიც მიმართულია სახელმწიფოებრიობის და სუვერენიტეტის წინააღმდეგ. ასევე, მოვუწოდებთ ყველა სხვა მედიასაშუალებას, მაქსიმალურად ეცადონ, არ გახდნენ პროპაგანდის მსხვერპლი, თუნდაც გაუაზრებელი მოქმედებებით. სწორედ წინასაარჩევნო პერიოდში გაზრდილი ანტისახელმწიფოებრივი პროპაგანდის ფარგლებში გვმართებს განსაკუთრებული ყურადღება.

3. საქართველოს მთავრობა კვლავაც გამოიყენებს მის ხელთ არსებულ ყველა კანონიერ და დემოკრატიულ ბერკეტს, რათა არ დაუშვას ანტისახელმწიფოებრივი პროპაგანდა და მიესალმება ყველა შესაბამის ინიციატივას არასამთავრობო თუ პოლიტიკური სექტორის მხრიდან.

შეგახსენებთ რომ,გუშინ საზოგადოებრივი მაუწყებლის ეთერში, პარტია”ცენტრისტების” უფასო პოლიტიკური რეკლამა “გაეშვა”.აღნიშნულ რეკლამაში, რუსული იდეოლოგია ფიგურირებდა და რეკლამის ეთერში გასვლას  ბევრი უარყოფითი მითქმა-მოთქმა მოჰყვა.

პოლიციამ დიდი ოდენობით ნარკოტიკული საშუალება და უკანონო იარაღი ამოიღო

შსს-ს ვაკე-საბურთალოს პოლიციის სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1962 წელს დაბადებული გ. გ. ცეცხლსასროლი იარაღის მართლსაწინააღმდეგო შეძენა-შენახვისა და დიდი ოდენობით ნარკოტიკული საშუალების შეძენა-შენახვის ბრალდებით დააკავეს.

შსს-ს ინფორმაციით, სამართალდამცველებმა, დაკავებულის პირადი და საცხოვრებელი სახლის ჩხრეკისას, კალაშნიკოვის კონსტრუქციის ავტომატური ცეცხლსასროლი იარაღი, 3 მჭიდი და 90 საბრძოლო ვაზნა, ასევე, ნარკოტიკული საშუალება ამფეტამინი და მეტამფეტამინი ამოიღეს.

გამოძიება ნარკოტიკული საშუალების უკანონო შეძენა-შენახვის და ცეცხლსასროლი იარაღის მართლსაწინააღმდეგო შეძენა-შენახვის ფაქტებზე მიმდინარეობს (საქართველოს სსკ-ის 260-ე მუხლის მე-2 ნაწილით და 236-ე მუხლის მე-2 ნაწილით).

პირველი მინიატურების პარკი საქართველოში

საქველმოქმედო ფონდ „ქართუს” მორიგი საჩუქარი საქართველოს მოსახლეობას – პარკი, სადაც მინიატურებშია წარმოდგენილი საქართველოს არქიტექტურული საგანძური, ფონდმა „ქართუმ” სახელმწიფოს საჩუქრად გადასცა.
“საქართველო მინიატურებში” – ქვეყნის კულტურულ-რქიტექტურულ ძეგლთა მაკეტები 2 ჰექტარ მიწის ფართობს იკავებს და იგი შეკვეთილში, ატრაქციონების პარკ “ციცინათელას” მიმდებარე ტერიტორიაზე, ტურისტულ-რეკრეაციულ პარკშია გაშენებული.
მინიატურების პარკის სახელმწიფოსთვის გადაცემის ცერემონიას საქართველოს პრემიერ-მინისტრი გიორგი კვირიკაშვილი დაესწრო. მან მადლობა გადაუხადა ფონდ „ქართუს” და მის დამფუძნებელს, ბიძინა ივანიშვილს საქართველოს მოსახლეობისთვის გაკეთებული მნიშვნელოვანი საჩუქრისთვის და იმედი გამოთქვა, რომ პარკი ხელს შეუწყობს ტურიზმის განვითარებას და საქართველოს კუთხეების პოპულარიზაციას. პრემიერის თქმით, ტურისტულ-რეკრეაციული და საგანმანათლებლო-შემეცნებითი ფუნქციის გარდა, საქართველოში პირველი მინიატურული პარკის დანიშნულებაა რეგიონში დამატებითი ინვესტიციების მოზიდვა, ეკონომიკის წახალისება და მეტი სამუშაო ადგილის შექმნა.
“მინდა, საქართველოს მივულოცო კიდევ ერთი ღირსშესანიშნავი ობიექტი, რომელიც ბატონი ბიძინა ივანიშივილისა და ფონდი „ქართუს” საჩუქარია საქართველოსთვის. მინდა, ვისარგებლო შემთხვევით და დიდი მადლობა გადავუხადო ბატონ ბიძინა ივანიშვილს. ეს არის მართლაც ღირშესანიშნავი პარკი, რომელიც დარწმუნებული ვარ, გახდება ერთ-ერთი ყველაზე საყვარელი ადგილი, პირველ რიგში საქართველოს მოქალაქეებისთვის და, რა თქმა უნდა, ტურისტებისთვის. პარკის მშენებლობაზე 10 მილიონ ლარზე მეტი ინვესტიციაა დახარჯული. ეს არის ტურისტულ-რეკრეაციული დანიშნულების, ტურისტული ახალი მიმართულების, სადაც მინიატურულ განზომილებაშია წარმოდგენილი საქართველოს კულტურული და ისტორიული ძეგლები და სხვადასხვა ღირსშესანიშნავი არქიტექტურული ნაგებობები. ამგვარი პარკები ბევრ ქვეყანას არ აქვს, ეს არის მართლაც დიდი ფუფუნება და, სადაც არის, დიდი პოპულარობით სარგებლობს,” -განაცხადა გიორგი კვირიკაშვილმა სიტყვით გამოსვლისას.
მინიატურების პარკის სახელმწიფოსთვის გადაცემის დოკუმენტს ხელი მოაწერეს ფონდ “ქართუს” გამგეობის თავმჯდომარემ, ნიკოლოზ ჩხეტიანმა და სახელმწიფო ქონების ეროვნული სააგენტოს თავმჯდომარის მოვალეობის შემსრულებელმა ირაკლი შენგელიამ. ფონდმა „ქართუმ” სახელმწიფოს ასევე საჩუქრად გადასცა უნიკალური მონაცემთა ბაზა, რომელიც მოიცავს პარკში წარმოდგენილი ყველა მინიატურის პროტოტიპის ზუსტ აზომვით ნახაზებს ფორმატში, რაც არის ძვირადღირებული და აუცილებელი ინფორმაცია ძეგლთა დაცვის ეროვნული სააგენტოსთვის.
მინიატურების პარკის მშენებლობა დაიწყო 2014 წლის ზაფხულში „ქართუ ჯგუფის” საკუთრებაში არსებულ 2 ჰექტარ მიწის ნაკვეთზე. მინიატურების კომპლექსი დააპროექტა კომპანიამ “არქიტექტურული ლაბორატორია #3”. კომპლექსი მოიცავს: პარკს, თავად მინიატურებს, ინფრასტრუქტურას და ვიზიტორთა ცენტრს, რომელშიც განთავსებულია მინი ამფითეატრი, კაფე და სხვა ფუნქციური სივრცეები.
პარკში წარმოდგენილია 44 არქიტექტურული ძეგლის მინიატურა, წლის ბოლომდე დაგეგმილია კიდევ 5 ძეგლის მონტაჟი. 2017 წელს პარკს კიდევ რამდენიმე მინიატურა დაემატება.
დღეიდან საქართველოში პირველი მინიატურების პარკი დამთვალიერებელს ელის.

იუსტიციის სახლში განათლების სამინისტროს სერვისი დაინერგა

2016 წლის 10 აგვისტოდან იუსტიციის სახლის ფილიალებში საქართველოს განათლებისა და მეცნიერების სამინისტროს და მის სისტემაში შემავალი ორგანოების მიერ გაცემული დოკუმენტების, ასევე საგანმანათლებლო დაწესებულებების მიერ თავიანთი უფლებამოსილების ფარგლებში გაცემული დოკუმენტების აპოსტილით დამოწმებისა და ლეგალიზაციის მოთხოვნის თაობაზე განაცხადების მიღება დაიწყო. ორი დღის განმავლობაში ახალი სერვისი მოთხოვნით, იუსტიციის სახლის ფილიალების მიერ ჯამურად მიღებულია 56 განაცხადი (მათ შორის თბილისის ფილიალში 49 განაცხადი), ხოლო 2016 წლის 11 აგვისტოს – 67 განაცხადი (მათ შორის თბილისის ფილიალში 51 განაცხადი).

განათლების სამინისტროსა და საგანმანათლებლო დაწესებულებების მიერ გაცემული დოკუმენტების აპოსტილით დამოწმებასა და ლეგალიზაციასთან დაკავშირებული მომსახურების ხელმისაწვდომობის გაზრდის მიზნით, განათლებისა და იუსტიციის სამინისტროების თანამშრომლობისა და ერთობლივი გადაწყვეტილების შედეგად, სერვისის გაცემა იუსტიციის სახლმა დაიწყო. განათლების დამადასტურებელი დოკუმენტების ლეგალიზაციასა და აპოსტილით დამოწმება მოქალაქეებს უკვე იუსტიციის სახლებში შეუძლიათ.

10 აგვისტომდე, კანონმდებლობით, განათლების სამინისტროსა და საგანმანათლებლო დაწესებულებების მიერ გაცემული დოკუმენტების აპოსტილი და ლეგალიზაცია სსიპ „განათლების ხარისხის განვითარების ეროვნული ცენტრის“ კომპეტენციაში შედიოდა. მოქალაქეებს ამ სერვისით სარგებლობა მხოლოდ თბილისში შეეძლოთ, რეგიონებში კი იგი ხელმისაწვდომი არ იყო.

იუსტიციის სახლებში მომსახურების გადასვლის შემდეგ საქართველოს ყველა რეგიონის მცხოვრებნთ, სადაც იუსტიციის სახლის ფილიალები, საზოგადოებრივი ცენტრები და სახელმწიფო სერვისების განვითარების სააგენტოს ტერიტორიული სამსახურები ფუნქციონირებს, განათლების დამადასტურებელი დოკუმენტების დამოწმებას რეგიონიდან, ქალაქიდან და დაბიდან გაუსვლელად შეუძლიათ, რაც დროსა და ფინანსების დაზოგვის და მომსახურების უფრო კომფორტულად და სწრაფად მიღების საშუალებას აძლევთ.

აპოსტილისა და ლეგალიზაციის სერვისის ხელმისაწვდომობის გაზრდა „ღია მმართველობის პარტნიორობის“ ფარგლებში საქართველოს მიერ აღებული ერთ-ერთი ვალდებულებაა. როგორც სამოქმედო გეგმაშია აღნიშნული, ამ სერვისის იუსტიციის სახლებში გადატანა მნიშვნელოვნად აადვილებს საქართველოს განათლებისა და მეცნიერების სამინისტროს საჯარო მომსახურებაზე ხელმისაწვდომობას.

შსს-მ კახეთის რეგიონში მომხდარი მკვლელობის ფაქტი ცხელ კვალზე გახსნა

კახეთში,თელავის რაიონის სოფელ ლეჩურიდან თუშეთისკენ მიმავალ გზაზე 20 წლის ახალგაზრდა მამაკაცმა აშშ-ს მოქალაქე ცივი იარაღით სასიკვდილოდ დაჭრა.

მკვლელობის ფაქტი შსს-მ, ცხელ კვალზე გახსნა.

“შსს-ს კახეთის პოლიციის დეპარტამენტის თანამშრომლებმა, ოპერატიულ-სამძებრო და საგამოძიებო ღონისძიებების შედეგად, 1996 წელს დაბადებული მ. ჭ. განზრახ მკვლელობის ფაქტზე დააკავეს.

გამოძიებამ დაადგინა, რომ მიმდინარე წლის 12 აგვისტოს ბრალდებულმა, თელავის რაიონის სოფელ ლეჩურიდან თუშეთისკენ მიმავალ გზაზე, ურთიერთშელაპარაკების ნიადაგზე, აშშ-ს მოქალაქეს, 1975 წელს დაბადებულ მ. ფ.-ს ცივი იარაღით მრავლობითი ჭრილობები მიაყენა და მიიმალა. დაჭრილი შემთხვევის ადგილზე გარდაიცვალა.

სამართალდამცველებმა მ. ჭ. მომხდარიდან რამდენიმე საათში, ცხელ კვალზე დააკავეს.

პოლიციამ დანაშაულის ჩადენის იარაღი – დანა ნივთმტკიცებად ამოიღო. დაკავებული ჩადენილ დანაშაულს აღიარებს.

გამოძიება განზრახ მკვლელობის ფაქტზე მიმდინარეობს (საქართველოს სსკ-ს 108-ე მუხლით).”

                                 http://police.ge/_players/player.swf

ყვარელში მომხდარი მკვლელობა გახსნილია

შსს-ს კახეთის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1988 წელს დაბადებული, წარსულში ნასამართლევი გ. ხ. განზრახ მკვლელობის ბრალდებით დააკავეს.

გამოძიებამ დაადგინა, რომ ბრალდებულმა მიმდინარე წლის 5 აგვისტოს, ღამით, ყვარლის რაიონის სოფელ შაქრიანში, თანასოფლელის, 1939 წელს დაბადებული თ. ხ.-ს საცხოვრებელ სახლში ქურდობის მიზნით, ფარულად შეაღწია. სახლის მეპატრონემ გ. ხ. შეამჩნია, რის შემდეგაც ბრალდებულმა ქალბატონს თავის არეში ბლაგვი საგნით დაზიანებები მიაყენა, მისი სხეული მარანში, ქვევრში, კვალის დაფარვის მიზნით გადამალა, ხოლო სახლში ხანძარი გააჩინა და მიიმალა. პოლიციამ გ. ხ. მომხდარიდან რამდენიმე დღეში, თელავში დააკავა.

დაკავებული ჩადენილ დანაშაულს აღიარებს. გამოძიება განზრახ მკვლელობის ფაქტზე მიმდინარეობს (საქართველოს სსკ-ს 108-ე მუხლით).

პატრულ-ინსპექტორებმა ბავშვების სიცოცხლე გადაარჩინეს

შსს-ს საპატრულო პოლიციის დეპარტამენტის კახეთის მთავარი სამმართველოს სახაზო-საპატრულო სამმართველოს პირველი განყოფილების საპატრულო ეკიპაჟის პატრულ-ინსპექტორებს, გიორგი რომანიშვილს და ბესიკ გულოშვილს მოქალაქემ შეატყობინა, რომ თელავში, სარწყავ არხში მცირეწლოვანი და-ძმა ჩავარდა და გამოსვლას ვერ ახერხებდა.
საპატრულო პოლიციის თანამშრომლები შემთხვევის ადგილისკენ დაუყოვნებლივ გაემართნენ, სარწყავი არხის გვირაბში, დაახლოებით, 100 მეტრის სიღრმეზე შეცურეს და ბავშვების გადასარჩენად, ძლიერი დინების მიუხედავად, სამაშველო ოპერაციის განხორციელება დაიწყეს. რამდენიმე წუთში შემთხვევის ადგილზე შსს-ს მაშველებიც მივიდნენ. პატრულ-ინსპექტორებმა და მაშველებმა არხიდან და-ძმის ამოყვანა უსაფრთხოდ შეძლეს. ამ დროისთვის ბავშვების სიცოცხლეს საფრთხე აღარ ემუქრება.

ბესიკ ჯანყარაშვილს ჩვენი დახმარება ესაჭროება

სოციალურ ქსელში, მოქალაქე ბესიკ ჯანყარაშვილი, მიმართვას ავრცელებს-

“5.000$ საჭირო რომ შევძლო მთელი ჩემი ცხოვრების ნატვრა ავისრულო და შევძლო ვიყო ჯანმრთელი.. შევძლო ვიყო ისეთივე როგორც ყველააა… მესაჭიროება რეაბილიტაციური მკურნალობა სტამბულში… მკურნადლობის დაწყების დადგენილ დროს წელიწადზე მეტია გადაცდა გვიანდება მკურნალობის დაწყება და უფრო მეტად რთული ხდება განკურნების შესაძლებლობა… დახმარებაზე 100 – ზე მეტმა ორგანიზაციამ უარი განაცხადა….მხოლოდ ქუჩაში ხალხის დახმარებით ვაგროვებ თანხას სამკურნალოდ… მაგრამ ჯანმრთელობა უკვე ამის ძალას აღარ მაძლევს რომ ესე გავაგრძელო, უარესდება ჯანმრთელობის მდგომარეობა დარჩენილი დრო კი უბრალოდ აღარ რჩება ..

გთხოვთ დარეკოთ 0 901 500 586 მაგთი ჯეოსელი ბილაინი
საქართველოს ბანკი: GE23BG0000000311761500
თიბისი ბანკი: GE58 TB70 0227 2365 1000 12
eMoney: 381769273
მიმღების დასახელება: ბესიკ ჯანყარაშვილის დახმარების ფონდი
ლარის ანგარიში: TBC BANK GE27 TB75 8193 6080 1000 01
დოლარის-ევროს ანგარიში: TBC BANK GE44 TB75 8193 6180 1000 02″

ერთმანეთის იმედად დარჩენილი ახალგაზრდები გურჯაანში

უკვე რამდენიმე წელია გურჯაანის რაიონს კინოთეატრი აღარ აქვს. ის წინა მთავრობის დროს გასხვისდა კერძო მესაკუთრეზე.ამ ამბავმა საზოგადოების უკმაყოფილება გამოიწვია.2010 წლიდან დღემდე, ყოფილი კონოთეატრის შენობაში “ლიბერთი ბანკია” განთავსებული.ნატო ვაჩნაძის სახელობის კინოთეატრი,გურჯაანში, ნონეშვილის გამზირზე 1962 წელს აშენდა. თავის დროზე ის საზოგადოებაში დიდი პოპულარობით სარგებლობდა და ბევრი მაყურებელიც ჰყავდა.მაგრამ  “90-იანებში”, ის უფუნქციოდ და უყურადღებოდ დარჩა.ამას დაემატა შენობის, ინვენტარის,იატაკის და აპარატურის დაზიანება.

დღეს ამ მხრივ მდგომარეობა გურჯაანში შეიცვალა, გამოჩდნენ აქტიური ახალგაზრდები რომლებმაც, მოინდომეს და ადგილობრივ თვითმართველობის გვერდშიდგომით კონოკლუბი შექმნეს.კინოჩვენებაზე დასწრება თავისუფალია.ისინი აქტიურად მუშაობენ, დღეს მეოთხე კინოჩვენება მოაწყვეს, გურჯაანის მუნიციპალიტეტის  საბიბლიოთეკო და სამუზეუმო გაერთანების სამკითხველო დარბაზში.

მეც დავესწარი ამ კინოჩვენებას და ასევე გავესაუბრე მათ.

“ამ იდეის განხორციელებას დიდი ხანია რაც ვგეგმავდით.საბედნიეროდ წელს მოგვეცა ამის შანსი.ამ პროექტის მიზანია რომ ჰქონდეს გურჯაანის რაიონის ახალგაზრდებს ჰქონდეთ თავშეყრის/გართობის ადგილი, ხელი შეუწყოს კინოს პოპულარიზაციას და დააინტერესოს,”გამოაცოცხლოს” ამით ახალგაზრდები.პროექტი ხანგრძლივი იქნება თ დავინახავთ ახალგაზრდების ინტერესს,მაყურებლების ინტერესის გაზრდასთან ერთად გაიზრდება კონოჩვენებების მოწყობის სიხშირეც.ასევე ვგეგმავთ კინოჩვენებების მოწყობას ბავშვებიწსთვის.დიდი მადლობა გვინდა გადავუხადოთ გურჯაანის მუნიციპალიტეტის თვითმმართველობას რათა მხარში გვიდგას და გვეხმარება,კინოჩვენებებისთვის საჭირო აპარატურით ასევე საბიბლიოთეკო და სამუზეუმო გაერთანების დირექტორს ფართის დათმობისთვის.”-განაცხადეს “გურჯაანის კინოკლუბის” შემქმნელებმა.

ქალაქ გურჯაანის ანსამბლი “ცერული 1” ბულგარეთიდან ორი გრან-პრით დაბრუნდა

ქალაქ გურჯაანში არსებული, ფოლკლორული ანსამბლი “ცერული 1”, მიწვეული იყო ბულგარეთში, ფოლკლორის საერთაშორისო ფესტივალზე, ქ.კუსტენდილში სადაც მონაწილობდნენ- ევროპისა და აზიის რვა ქვეყნის ფოლკლორული ანსამბლები.ეს ანსამბლი ერთადერთი იყო საქართველოდან, რომელმაც მონაწილეობა მიიღო აღნიშნულ ფესტივალში.ისინი საუკეთესოდ წარსდგნენ ჟიურის და მაყურებლის წინაშე და მოიპოვეს ფესტივალის უმაღლესი ჯილდო-გრან-პრი “ვერცხლის ბაფთა”.

ასევე მონაწილეობა მიიღეს, ბულგარეთის ქ.ალბენაში გამართულ ხელოვნების ფესტივალზე და მოიპოვეს ფესტივალის უმაღლესი ჯილდო-გრანპრი.ანსამბლი დაჯილდოვდა მედლებით და დიპლომებით სხვადასხვა ნომინაციებში.(„მისტერ ფესტივალი“, „საუკეთესო ჩაცმულობა“ და „ბულგარული ცეკვების საუკეთესო შესრულება“.).

დავით სონღულაშვილის ბიოგრაფია (მოკლედ)

რამდენიმე დღის წინ, კოალიცია “ქართულმა ოცნებამ”, კახეთში, მაჟორიტარი დეპუტატობის კანდიდატები წარადგინა.გურჯაანის რაიონის მაჟორიტარი დეპუტატოტიბის კანდიდატად კი დავით სონღულაშვილი დასახელდა.დღეს შევეცდები წარმოგიდგინოთ მისი მოკლე ბიოგრაფია.

დავით სონღულაშვილი დაიბადა 1983 წლის 1 იანვარს. 1996-1997 წელს, დადიოდა “გურამ ჭილაშვილის სახელობის გურჯაანის გიმნაზიაში”.2000 წელს, დაამთავრა თბილისის პირველი კლასიკური გიმნაზია.2004 წელს, დაამთავრა, “საქართელოს ტექნიკური უნივერსიტეტი”.2001 წელს, იყო გაცვლითი სტუდენტი “მანჩესტერის მეტროპოლიტენის უნივერსიტეტში”-ეკონომიკური მეცნიერებების მიმართულებით.2006 წელს, დაამთავრა- “კავკასიის ბიზნესის სკოლა.2007 წლიდან დღემდე არის, შ.პ.ს. “ედრესი”-ს მმართველი დირექტორი. 2004-დან 2006-მდე იყო, ს.ს.საქართველოს ბანკი შესყიდვების დეპარტამენტის დირექტორი.2004 წელს მუშაობდა, საქართველოს ეკონომიკური განვითარების სამინისტროში, ადმინისტრაციის უფროსად. 2004 წელს იყო, საქართველოს ეკონომიკის მინისტრის თანაშემწე.2003 წელს ტელეკომპანიაში “მზე”, გაყიდვების მენეჯერი.თავისუფლად ფლობს რუსულ და ინგლისურ ენებს.

იხილეთ აუდიო სიუჟეტი:

რთველი 2016-თან დაკავშირებული სიახლეები

საქართველოს სოფლის მეურნეობის მინისტრი ოთარ დანელია და სსიპ ღვინის ეროვნული სააგენტოს თავმჯდომარე გიორგი სამანიშვილი ღვინისა და ალკოჰოლიანი სასმელების მწარმოებელი კომპანიების ხელმძღვანელებს შეხვდნენ. შეხვედრაზე დარგში არსებულ მიღწევებსა და გამოწვევებზე ისაუბრეს და 2016 წლის რთველის ორგანიზებულად ჩატარების მიზინით შემუშავებული ხელშემწყობი ღონისძიებები განიხილეს.
როგორც ოთარ დანელიამ აღნიშნა, რთველის პროცესის ორგანიზებულად წარმართვისთვის საქართველოს მთავრობა სრულ მზადყოფნაშია. რთველის პროცესში დაცული იქნება როგორც მევენახეების, ისე მეწარმეების ინტერესები. მიმდინარე წელს ყურძენის მიღებას 100-მდე ღვინის კომპანია განახორციელებს. არცერთ მევენახეს ჩაუბარებელი ყურძენი არ დარჩება.
,,შეხვედრაზე ყველა დეტალი განვიხილეთ, რათა მიმდინარე წელს რთველის პროცესი შეუფერხებლად წარიმართოს. წელს, საწარმოო გადამუშავებისთვის დაახლოებით 150 ათას ტონამდე ყურძენს ველოდებით. მნიშვნელოვანია, რომ დარგი მაქსიმალურად მზად იყოს ყურძნის მისაღებად. მევენახეობა-მეღვინეობის დარგის ხელშეწყობის კუთხით ბოლო 4 წლის განმავლობაში მნიშვნელოვანი ღონისძიებები ტარდება. ჩვენი მიზანია, საერთოდ გამოვიდეთ სუბსიდიის მიდგომებიდან, როდესაც დარგი ამის შესაძლებლობას მოგვცემს. ფაქტია, რომ დღეს ხელშეწყობა კვლავ საჭიროა“, -აღნიშნა ოთარ დანელიამ.
მინისტრის განმარტებით, ღვინის ექსპორტის ზრდის პარალელურად, საერთაშორისო ბაზარზე ფიქსირდება ღვინის სარეალიზაციო ფასის შემცირება. შესაბამისად, მევენახე გლეხების ინტერესის გათვალისწინებით, ყურძნის მოსავლის რეალიზაციის ხელშეწყობის მიზნით, საქართველოს მთავრობამ რთველი 2016-ის ფარგლებში სუბსიდიის გაცემის გადაწყვეტილება მიიღო. ოთარ დანელიას განცხადებით, გასული წლის მსგავსად, სახელმწიფო სუბსიდია გაიცემა პირდაპირ მევენახეებზე და არა ღვინის მწარმოებელ კომპანიებზე. ღვინის კომპანიებში ჩაბარებულ ყურძენზე სუბსიდია გაიცემა შემდეგი ოდენობით:
კახეთის რეგიონში
• 1 კგ. რქაწითელზე – 45 თეთრი;
• 1 კგ. კახური მწვანეზე – 45 თეთრი;
• 1 კგ. საფერავზე – 20 თეთრი;
რაჭა-ლეჩხუმისა და ქვემო-სვანეთის რეგიონში:
• მუჯურეთული/ალექსანდროული – 2 ლარი;
როგორც ოთარ დანელიამ აღნიშნა, წარმოების გაზრდის ხელშეწყობის მიზნით, მიმდინარე წელს ღვინისა და ალკოჰოლიანი სასმელების მწარმოებელი კომპანიებისათვის გაგრძელდება შეღავათიანი აგროკრედიტის პროექტის ფარგლებში სესხების გაცემა საბრუნავი საშუალებების მიზნობრიობით.
ყურძნის გადამამუშავებელი საწარმოებისათვის ფერმერებისაგან ყურძნის შეძენის მიზნით, შეღავათიანი აგროკრედიტის მაქსიმალური მოცულობა განისაზღვრა 10 მლნ ლარით, არაუმეტეს 15 თვის ვადით.
ყურძნის გადამამუშავებელი საწარმოებისთვის, რომლებიც ყურძენს შეისყიდიან საბრენდე სპირტის წარმოების მიზნით, გაიცემა შეღავათიანი აგროკრედიტი არაუმეტეს 15 მლნ ლარის ოდენობით. სესხის მაქსიმალური ვადა განისაზღვრა 3 წლის ვადით.
შეხვედრაზე სოფლის მეურნეობის მინისტრმა კიდევ ერთხელ ხაზგასმით აღნიშნა, რომ სახელმწიფო არ განსაზღვრავს ყურძნის ღირებულებას, არ ერევა ფასების რეგულაციებში, რადგან ფასს არეგულირებს ბაზარი.
ღვინის მწარმოებლებთან შეხვედრაზე ღვინის ეროვნული სააგენტოს თავმჯდომარემ, გიორგი სამანიშვილმა რთველი 2016-ის საორგანიზაციო საკითხებზე ისაუბრა. რთველის ორგანიზებულად წარმართვის მიზნით, საკოორდინაციო შტაბი თელავში განთავსდება. შტაბს ღვინის ეროვნული სააგენტოს თავმჯდომარე უხელმძღვანელებს. შტაბის ფუნქციონირება რთვლის პროცესში ჩართულ მხარეებს (სამინისტროს წარმომადგენლები, მეწარმეები, მევენახეები) შორის აქტიურ კომუნიკაციას და კოორდინაციას შეუწყობს ხელს. გასული წლის მსგავსად, ამოქმედდება ცხელი ხაზი – 1505 და სპეციალური ვებგვერდი, სადაც შესაძლებელი იქნება დაინტერესებულმა პირებმა 24 საათის განმავლობაში მიიღონ საჭირო ინფორმაცია.
შეხვედრაზე გიორგი სამანიშვილმა ქართული ღვინის ექსპორტის შესახებ ისაუბრა და აღნიშნა, რომ 2016 წლის დასაწყისში დაფიქსირებული ექსპორტის ზრდა დღემდე შენარჩულებულია – 7 თვის მონაცემებით ექსპორტირებულია 24 მლნ ბოთლამდე ღვინო, რაც 42%-ით აღემატება გასული წლის ანალოგიურ მაჩვენებელს.
გაფართოებულ ფორმატში გამართულ შეხვედრას სოფლის მეურნეობის მინისტრის მოადგილეები ლევან დავითაშვილი და იური ნოზაძე, ღვინის მწარმოებელი 70-მდე კომპანიის წარმომადგენელი და ღვინის ინდუსტრიაში დასაქმებული პირები ესწრებოდნენ.

სამტრედიის რაიონში ორი ახალგაზრდა დაიხრჩო

დღეს  სამტრედიის რაიონის სოფელ დიდ ჯიხაიშში, მდინარე გუბისწყალში ორი ახალგაზრდა დაიხრჩო.

მეზობლების თქმით, ძმები 19 და 20 წლის ვანიკო და თემურ ვაშაკიძეები მდინარეში ბანაობდნენ. ერთ-ერთი მათგანი იხრჩობოდა. თანატოლმა დახმარება სცადა, თუმცა უშედეგოდ.

მომხდარ ფაქტთან დაკავშირებით გამოძიება 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.

ამ ამბავთან დაკავშრებით, ბლოგერი გურამ შეროზია, “ფეისბუქ” გვერდზე პოსტს ავრცელებს:

კახეთში 75 წლის ქალი სავარაუდოდ ჯერ გააუპატიურეს და შემდეგ მოკლეს

სასტიკი მკვლელობა ყვარელში. სოფელ შაქრიანში 75 წლის  ქალბატონი მოკლეს და ქვევრში დამარხეს. არსებული ინფორმაციით, მანამდე მოხუცი გააუპატიურეს. ის 3 დღის წინ დაიკარგა და მისი ცხედარი პოლიციამ დღეს იპოვა.

 ქალბატონი სახლში მარტო ცხოვრობდა, ამიტომ მას მეზობლები პატრონობდნენ. მოხუცს ერთი შვილი ჯარში მოუკლეს, მეორე კი თბილისში იმყოფებოდა.

მომხდარზე საქმე სისხლის სამართლის კოდექსის 108-ე მუხლით არის აღძრული, რაც განზრახ მკვლელიბას გულისხმობს.

იხილეთ აუდიო სიუჟეტი:

კახეთის პოლიციამ დიდი ოდენობით „სუბოქსინი“ ამოიღო

შსს-ს კახეთის პოლიციის დეპარტამენტის თანამშრომლებმა, ოპერატიული ინფორმაციის საფუძველზე ჩატარებული საგამოძიებო მოქმედებების შედეგად, 1980 წელს დაბადებული, წარსულში ნასამართლევი თ.ჩ., დიდი ოდენობით ნარკოტიკული საშუალების უკანონო შეძენა-შენახვის ბრალდებით, თბილისში დააკავეს.

 

სამართალდამცველებმა, თ.ჩ-ს პირადი ჩხრეკისას, 10 აბი ნარკოტიკული საშუალება „სუბოქსინი“ ამოიღეს, რომელიც, ექსპერტიზის დასკვნით, ბუპრენორფინს შეიცავს. ნარკოლოგიური შემოწმებით, დაკავებული ოპიუმის ჯგუფის ნარკოტიკისა და ფსიქოტროპული ნივთიერების ზემოქმედების ქვეშ იმყოფებოდა. ბრალდებული ჩადენილ დანაშაულს აღიარებს.

 

გამოძიება დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სსკ-ის 260-ე მუხლის მე-3 ნაწილის „ა“ ქვეპუნქტით).

“გამოძიება”-“კუმისელი მოჩვენება”

ადგილობრივი თვითმმართველობა ახალგაზრდების პირისპირ

რაიონებში ახალგაზრდებს ბევრი პრობლემა აწუხებთ, ამ პრობლემების მოგვარების პასუხისმგებლობა ადგილობრივ თვითმმართველობას  ეკისრება.მაგრამ როდესაც აღნიშნულ უწყება ამ პასუხისმგებლობას არიდებს თავს ან სულაც არ შეუძლია ამის გაკეთება ამ შემთხვევაში ისევ აქტიურ ახალგზრდებს უწევთ ამ პრობლემების მოგვარება.ნანა ბაგალიშვილიც ასეთ ახალგაზრდების რიცხვს მიეკუთვნება  დიდიხანია აქტიურად მუშაობს თავის თემში (წნორში) ის არასამთავრობო ორგანიზაციის „სამოქალაქო ინიციატივა – Civic Initiative” თავმჯდომარე და „წნორის საინიციატივო ჯგუფის“ დამფუძნებელია. 2011-2012 წლებში „წნორის საინიციატივო ჯგუფთან“ ერთად ადგილობრივი ბიზნესის და სხვადასხვა საზოგადიებრივი ორგანიზაციების ხელშეწყობით ნანა ბაგალიშვილმა გააკეთა 9 მინი კულტულ-საგანმანათლებლო პროექტი წნორისა და მიმდებარე სოფლების ახალგაზრდებისთვის.  2013 წლიდან ის ხელმძღვანელობს არასამთავრობო ორგანიზაციას “სამოქალაქო ინიციატივა – Civic Initiatives”. ორგანიზაციის გუნდთან ერთად ნანა მუშაობს ახალგაზრდებისთვის კულტურულ-საგანამათლებლო სივრცეების შექმნისთვის რეგიონებში (ამ ეტაპზე, სიღნაღის მუნიციპალიტეტში).

როგორც ყოველთვის ახლაც ახალგაზრდულ პროექტზე მუშაობს თავის ჯგუფთან ერთად

“ქართულმა ოცნებამ”კახეთში, მაჟორიტარი დეპუტატობის კანდიდატები წარადგინა

დღეს პარტიის თავმჯდომარემ და პრემიერ-მინისტრი გიორგი კვირიკაშვილმა, კახეთის მაჟორიტარი დეპუტატობის კანდიდატები წარადგენა. კანდიდატების წარდგენა ქალაქ თელავში, ჩოლოყაშვილის ქუჩაზე გაიმართა.

„ქართული ოცნება-დემოკრატიული საქართველოს“ თელავისა და ყვარლის გაერთიანებული ოლქის მაჟორიტარი დეპუტატობის კანდიდატი ირაკლი სესიაშვილია, სიღნაღი- დედოფლისწყაროში ირაკლი შიოლაშვილი, ახმეტაში გელა სამხარაული, ლაგოდეხში გურამ მაჭარაშვილი, გურჯაანში დავით სონღულაშვილი, ხოლო საგარეჯოში რომან მუჩიაშვილი.

This slideshow requires JavaScript.

მთავრობის მეთაურის თქმით, დღეს ხელისუფლების ამოცანაა, კიდევ უფრო სწრაფად ამოძრავდეს ეკონომიკა, ვინაიდან ეს იქნება ქვეყნის სწრაფი განვითარების საფუძველი და საფუძველი იმისათვის, რომ ცხოვრების დონის გაუმჯობესება იყოს მიღწეული. „თქვენთან ერთად ჩვენ ამას შევძლებთ და ჩვენი ქვეყანა თავს დააღწევს გაჭირვებას! ჩვენ თქვენთან ერთად ავაშენებთ წარმატებულ ქვეყანას, სახელმწიფოს, სადაც ყველა თანასწორი იქნება კანონის წინაშე და ვერავინ გაბედავს დაუსჯელობის იმედით ბატონობას ადამიანებზე. 2012 წელს თქვენ „ქართული ოცნების“ გვერდით იდექით და ჩვენ ბრძოლა მაშინ გამარჯვებით დავაგვირგვინეთ! ამ არჩევნებშიც ჩვენ თქვენი გვერდში დგომით აუცილებლად გავიმარჯვებთ, „ქართული ოცნება“ აუცილებლად გაიმარჯვებს და ამით ჩვენი ქვეყანა, ჩვენი სამშობლო გაიმარჯვებს“,-განაცხადა პარტიის თავმჯდომარემ.

 

აგრეთვე, პრემიერ-მინისტრმა კახეთის მოსახლეობას ყურძნის სუბსიდირებასთან დაკავშირებით მიაწოდა ინფორმაცია და განაცხადა, რომ 2016 წლისათვის ამ მიმართულებით 25 მილიონი ლარია გათვალისწინებული, ხოლო ყურძენს 100-მდე ღვინის საწარმო ჩაიბარებს. „ვაზი და ვენახი წმინდაა ქართველი კაცისთვის, და ჩვენ განსაკუთრებულად ვზრუნავთ სწორედ მევენახეობაზე. ეს არის ჩვენი ფესვები, ჩვენი სამშობლოს სიძლიერე, ჩვენი სამშობლოს სიმბოლო და ჩვენ ვალდებული ვართ შევინახოთ, გავაგრძელოთ და შვილებს გადავცეთ მამა-პაპათა ტრადიციები. ჩვენ იმაზეც ვზრუნავთ, რომ გლეხი მარტო მევენახე კი არ იყოს, არამედ ღვინის წარმოებაც შეეძლოს და შემოსავალიც შესაბამისი ჰქონდეს.“

პრემიერ-მინისტრის გამოსვლამდე კახეთის მოსახლეობას სიტყვით „ქართული ოცნება-დემოკრატიული საქართველოს“ გენერალურმა მდივანმა, პარტიის ცენტრალური შტაბის უფროსმა კახა კალაძემ მიმართა. კახა კალაძემ „ქართული ოცნების“ ხელისუფლების მიერ ჯანდაცვის, განათლების, სოფლის მეურნეობის მიმართულებით განხორციელებულ რეფორმებზე ისაუბრა და აღნიშნა, რომ მთავრობამ ოთხი წლის წინ მცირე და საშუალო ბიზნესის ხელშეწყობა დაიყო. „ხალხმა ირწმუნა, რომ ამ ქვეყანაში დემოკრატიული პროცესები დაიწყო. ხალხმა ირწმუნა, რომ თავისუფალი გახდა! ხალხმა დაინახა, რომ შიში წარსულში დარჩა და ხალისი მიეცა შრომასაც, დასვენებასაც, ქებასაც და კრიტიკასაც! ღვინის სახლები და საოჯახო სასტუმროები, კახური სუფრის პოპულარიზაცია, ტურისტული ზონები- მარტო ახტალა რა საერთაშორისო მნიშვნელობის განძი გაქვთ! ეს ყველაფერი თქვენია, ეს ყველაფერი თქვენი პროგრესის საფუძველია, ეს იძლევა ალაზნის ველივით უკიდეგანო შესაძლებლობებს დოვლათის კეთილდღეობის შესაქმნელად, თითოეული კახური ოჯახისთვის და საქართველოსთვის მთლიანობაში!“,-აღნიშნა პარტიის გენერალურმა მდივანმა.

 

დიმიტრი ქუმსიშვილმა საგარეჯოში უცხოური ინვესტიციით შექმნილი ორი მეურნეობა დაათვალიერა

პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი საგარეჯოს მუნიციპალიტეტის სოფელ იორმუღანლოსთან ახლოს მდებარე უცხოური ინვესტიციებით შექმნილ ორ მეურნეობას ეწვია, მიმდინარე სამუშაოები დაათვალიერა და სამომავლო გეგმებს გაეცნო. მას თან ახლდნენ ეკონომიკისა და მდგრადი განვითარების მინისტრის მოადგილე ქეთევან ბოჭორიშვილი და კახეთის მხარეში სახელმწიფო რწმუნებული – გუბერნატორი ირაკლი შიოლაშვილი.

კომპანია „არიკ ჯგუფი“ საგარეჯოს მუნიციპალიტეტში მდებარე 2,000 ჰა მიწის ფართობზე საქმიანობას სამი მიმართულებით ახორციელებს. კომპანიას 400-400 ჰა-ზე უკვე გაშენებული აქვს ვენახი და ხილის ბაღები. გარდა ამისა, სამომავლოდ იგეგმება 1000 ჰა ფსტას პლანტაციის გაშენებაც. მეორე მიმართულებაა აგრომრეწველობა, რომლის ფარგლებშიც დაგეგმილია ღვინის ქარხნის მშენებლობა, რომლის წარმადობა წელიწადში 4 მლნ ბოთლი იქნება. გარდა ამისა, აშენდება მშრალი ხილისა და ფსტის გადამამუშავებელი საწარმოები. რაც შეეხება მესამე მიმართულებას, ესაა ეკოტურიზმი. ფერმის ტერიტორიაზე 5-ვარსკვლავიანი 150 ვილის მშენებლობაა გათვალისწინებული. ტურისტებს კომპანია შესთავაზებს ისეთ მომსახურებას, როგორიცაა პოლო, გოლფი, სკაიდაივინგი, ცხენებით ჯირითი და სხვ. აღნიშნულ ეკოტურისტული სოფლის დასახელება „ვინიჩიო ველეი“ იქნება.

დიმიტრი ქუმსიშვილმა დაათვალიერა საინვესტიციო პროექტის ტერიტორია და უცხოელი ინვესტორებისგან მოისმინა დეტალური ინვესტიცია მიმდინარე და სამომავლო პროექტების თაობაზე. აგრომიმართულების განვითარებაში ინვესტორმა განახორციელა 65 მლნ აშშ დოლარის ინვესტიცია, რაც შეეხება წარმოებაში ინვესტირებულ თანხას, მისი ოდენობა 20 მლნ აშშ დოლარზე მეტია.

დიმიტრი ქუმსიშვილმა და მისმა თანმხლებმა პირებმა ასევე დაათვალიერეს შპს „TR Georgia Project 2”-ს კუთვნილი მეურნეობა, რომელიც ასევე საგარეჯოს მუნიციპალიტეტში მდებარეობს. მეურნეობაში 2013 წლიდან ფსტას პლანტაციის გაშენება ხორციელდება. ფსტას განვითარების და ზრდის პროცესს ზედამხედველობას უწევს სპეციალურად ირანიდან მოწვეული სპეციალისტი. გარდა ამისა, კომპანიას 600 ჰა-ზე გაშენებული აქვს თხილის პლანტაციაც.

პირველმა ვიცე-პრემიერმა უშუალოდ უცხოელი ინვესტორისაგან მოისმინა ინფორმაცია სამომავლო გეგმების თაობაზე, კერძოდ, გათვალისწინებულია ფსტასა და თხილის გადამამუშავებელი ქარხნების აშენება, ორივე კულტურის პლანტაციების ფართობების ზრდა, აგრეთვე სხვა აგროკულტურების წარმოება და კომპანიის მეურნეობაში რამდენიმე ათასი ადგილობრივი მოსახლის დასაქმება.

ეკონომიკისა და მდგრადი განვითარების სამინისტროს საჩუქარი ემიგრანტ ოჯახებს

95 ეკომიგრანტ ოჯახს საცხოვრებელი სახლები და სასოფლო-სამეურნეო მიწები საკუთრებაში გადაეცათ – შესაბამისი განკარგულების პროექტი, ეკონომიკისა და მდგრადი განვითარების სამინისტროს ინიცირებით, 3 აგვისტოს მთავრობის სხდომაზე დამტკიცდა.

ეკომიგრანტებისთვის გადაცემული ქონება საქართველოს რამდენიმე რაიონშია განლაგებული, კერძოდ: წალკის, თეთრიწყაროს, ნინოწმინდის, ლაგოდეხის, სიღნაღის, გურჯაანის, ახმეტისა და ხონის მუნიციპალიტეტებში, ასევე ქალაქ წალკაში, ქალაქ დუშეთში, ქალაქ ხონში, ქალაქ მარნეულსა და ქალაქ თეთრიწყაროში. როგორც დიმიტრი ქუმსიშვილმა ჟურნალისტებთან განმარტა, თითოეულ ოჯახს გადაეცა საშუალოდ 2600 კვ.მ. სასოფლო-სამეურნეო დანიშნულების მიწის ნაკვეთი და დაახლოებით 40-50 კვ.მ. შენობა-ნაგებობა.

„ეს ადამიანები იქ საკმაოდ დიდი ხანია ცხოვრობენ და მათი პრობლემები იყო მოუგვარებელი. ჩვენ მოგვეცა ამ პრობლემების მოგვარების შესაძლებლობა და, შესაბამისად, ეს ქონებები მათ გადაეცათ საკუთრებაში“ – აღნიშნა საქართველოს პირველმა ვიცე-პრემიერმა.

ეკომიგრანტებისთვის სახელმწიფო ქონების გადაცემის განკარგულების პროექტი ეკონომიკისა და მდგრადი განვითარების  სამინისტრომ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს შუამდგომლობის საფუძველზე მოამზადა.

ლაგოდეხში იუსტიციის სახლი გაიხსნა

  იუსტიციის სახლის რიგით მეთვრამეტე ფილიალი ლაგოდეხში იუსტიციის მინისტრმა თეა წულუკიანმა გახსნა.

ლაგოდეხის იუსტიციის სახლი მომხმარებელს იუსტიციის სახლებისთვის დამახასიათებელ უმაღლეს ხარისხის მომსახურებას სთავაზობს. სახელმწიფო და კერძო სექტორის სერვისების მიღება ლაგოდეხშიც მინიმალურ დროსა და კომფორტულ გარემოშია შესაძლებელი.

ლაგოდეხის იუსტიციის სახლის გახსნის საზეიმო ღონისძიება საღამოს 20:00 საათიდან დაიწყო. ოფიციალურ სტუმრებთან ერთად ცერემონიალს ლაგოდეხის მაცხოვრებლები და ქალაქის სტუმრები დაესწრნენ. დღესასწაულის მონაწილეებმა შთამბეჭდავი საზეიმო პროგრამა იხილეს. გახსნის ღონისძიებაზე გაიმართა დავით შანის და ბენდის კონცერტი.

ლაგოდეხის იუსტიციის სახლი 760 კვადრატულ მეტრს მოიცავს და ზაქათლის ქუჩაზე მდებარეობს. მისი მშენებლობა ტენდერით შერჩეული, არქიტექტორ ლუკა ჩაგანავას პროექტით განხორციელდა.

ლაგოდეხის იუსტიციის სახლი ბოლო ორი წლის განმავლობაში აშენებული მეექვსე ფილიალია. 2014 წლიდან დღემდე უკვე აშენდა და გაიხსნა ზუგდიდის, ფოთის, თიანეთის, ყაზბეგისა და ბორჯომის იუსტიციის სახლები. მშენებლობა მიმდინარე წლის ბოლომდე დაგეგმილია საქართველოს კიდევ 2 ქალაქში – ონსა და ახალქალაქში.

იუსტიციის სახლის გახსნის ღონისძიებას ლაგოდეხში დაესწრნენ საკანონმდებლო და აღმასრულებელი ხელისუფლების, თვითმმართველობის წევრები; დიპლომატიური კორპუსის, საერთაშორისო მისიების, ბიზნესსექტორისა და არასამთავრობო ორგანიზაციების წარმომადგენლები.

“ქართული ოცნება” განცხადებას ავრცელებს

 “პოლიტიკური გაერთიანება „ქართული ოცნება-დემოკრატიული საქართველო“ 8 ოქტომბრის საპარლამენტო არჩევნებისთვის მაჟორიტარი დეპუტატობის კანდიდატების დასახელებას განაგრძობს.
3 აგვისტოს, 20:00 საათზე, პრემიერ-მინისტრი, „ქართული ოცნება-დემოკრატიული საქართველოს“ თავმჯდომარე გიორგი კვირიკაშვილი საზოგადოებას ქვემო ქართლის მაჟორიტარი დეპუტატობის კანდიდატებს წარუდგენს.
კანდიდატების დასახელება რუსთავში, რუსთაველის ქუჩაზე გაიმართება.
პარტიამ მაჟორიტარი დეპუტატობის კანდიდატები უკვე დაასახელა იმერეთში, სამეგრელოში, გურიაში, მცხეთა -მთიანეთსა და შიდა ქართლში.”-აღნიშნული განცხადება, გამოქვეყნებულია ქართული ოცნების “ფეისბუქ” გვერდზე.

სასწრაფოდ:სახელმწიფო უსაფრთხოების სამსახური განხადებას ავრცელებს

სახელმწიფო უსაფრთხოების სამსახურში არსებულმა,
„თავისუფლების ქარტია“ საქართველოს კანონით განსაზღვრულმა კომისიამ, წერილობით მიმართა შინაგან საქმეთა სამინისტროს, 2016 წლის 4 აგვისტოს ქალაქ თელავში ააიპ „სახალხო მოძრაობა სოციალისტური საქართველო“-ს მიერ დაგეგმილ ღონისძიებასთან დაკავშირებით, სადაც ორგანიზაციის მხრიდან შესაძლოა გამოყენებული იქნეს კომუნისტური ტოტალიტარული სიმბოლიკა.

კომისია მიმართავს შსს-ს, „თავისუფლების ქარტია“ საქართველოს კანონმდებლობის მიზნებიდან გამომდინარე, უზრუნველყოს კომუნისტური ტოტალიტარული იდეოლოგიის საფუძვლების გაღვივების წინააღმდეგ შესაბამისი პრევენციული ღონისძიებების განხორციელება და მიიღოს სათანადო ზომები.

კომისიამ ასევე გაუგზავნა მიმართვა ააიპ „სახალხო მოძრაობა სოციალისტური საქართველო“-ს თავმჯდომარე ვალერი კვარაცხელიას, რათა „თავისუფლების ქარტია“ საქართველოს კანონის მე-7 მუხლის მე-6 პუნქტის მოთხოვნების შესაბამისად, ზემოაღნიშნულ საჯარო ღონისძიებაში არ დაუშვას და აღმოფხვრას კომუნისტური ტოტალიტარული სიმბოლიკის გამოყენება, წინააღმდეგ შემთხვევაში გამოყენებული იქნება საქართველოს კანონმდებლობით გათვალისწინებული პასუხისმგებლობის ზომები.

განახლებული საავტომობილო გზა კახეთს

  საავტომობილო გზების დეპარტამენტის პრესსამსახურის ინფორმაციით,თბილისი-ბაკურციხე და წნორი-ლაგოდეხის საავტომობილო გზის მონაკვეთი განახლდება.ტენდერი გამოცხადდა, თბილისი-საგარეჯო და საგარეჯო-ბაკურციხის საავტომობილო გზის მონაკვეთების განახლებაზე.ასევე დაგეგმილია ოთხზოლიანი მაგისტრალის მშენებლობა, თბილისიდან საგარეჯომდე.

“მოგესალმებით,ამჟამად ტენდერი გამოცხადებულია ტექნიკურ–ეკონომიკური დასაბუთების მომზადებაზე თბილისი–ბაკურციხე და წნორი–ლაგოდეხის საავტომობილო გზის მონაკვეთის განახლებაზე, ასევე ტენდერი გამოცხადებულია დეტალური საპროექტო დოკუმენტაციის მომზადებაზე თბილისი–საგარეჯო და საგარეჯო–ბაკურციხის საავტომობილო გზის მონაკვეთების განახლებაზე.”-განაცხადა საავტომობილო გზების დეპარტამენტის პრესსამსახურმა ჩემთან საუბარში.

პოლიცია პოლიციელის წინააღმდეგ

რამდენიმე დღის წინ, სოციალურ ქსელში გავრცელდა ვიდეო, სადაც პოლიციელი ქალი, ავტომობილს მართავდა ასევე იყენებდა ტელეფონს და ღვედი არ ეკეთა.
 რის გამოც  40 ლარით დაჯარიმდა.

საქართველოს ადმინისტრაციულ სამართალდარღვევათა კოდექსის 118-ე  მუხლის თანახმად, ავტოსატრანსპორტო საშუალებით მოძრაობისას მძღოლის ან მის გვერდით მჯდომი მგზავრის მიერ უსაფრთხოების ღვედის გამოუყენებლობა გამოიწვევს ავტოსატრანსპორტო საშუალების მძღოლის დაჯარიმებას 40 ლარით.